報幾多間小學好呢？

早幾日小編問過報幾多間小學好呢？唔知你心目中有冇一個答案？

⠀⠀⠀⠀

相信好多爸爸媽媽報學校嘅時候，都會用呢兩個策略～

只報心儀小學，鎖定目標

報考更多小學，漁翁撒網

⠀⠀⠀⠀

小編今日就想同你從「成功機會」同埋「過程中獲益」呢兩方面睇下：

⠀⠀

成功機會

當然報得多啲成功機會就會大啲啦！即使你已打算非心儀小學不讀，都建議你報多幾間，一來可以俾小朋友熱下身，二來就算小朋友未能成功考入心儀小學，都仲有多幾個offer 喺手，有機會攞住D offer去叩門。點樣叩門？小編遲D再講 。

⠀⠀⠀⠀

過程中獲益

你有冇諗過，其實每次嘅面試活動，都係校長同老師精心設計出嚟，俾小朋友一次珍貴嘅學習機會，每次都係獨特嘅。譬如有D學校就設計左一D遊戲嚟面試，小朋友玩完一輪，佢地就揀到人喇，D小朋友玩完出嚟仲話好好玩添 。無論你嘅小朋友最後考唔考到，親身體驗過面試，學到同體驗到嘅嘢，都係好難得同埋獨一無二㗎 。作為家長既你更可以大開眼界，甚至有機會同校長傾下偈，獲益良多㗎 。

⠀⠀⠀⠀

考小學嘅過程，可以話係once in a life time ，或者你會話過程要預備、交表格、度時間等等，都好多嘢搞喎 。但係如果你睇呢個過程係一趟親子旅程，咁就完全唔同晒！真係好值得去試㗎 ！

⠀⠀⠀⠀

咁報幾多間小學好呢？有無得俾個確實數字嚟參考下呀? 其實報5-10間都唔算多 ，因為有D interview 真係會撞時間㗎 ！「敲門，才有開門的機會」真係講得好啱㗎 ！