影面試相除左實用要嚟交申請表外，父母見到小朋友張相靚仔靚女，都好開心。
⠀⠀⠀⠀
我哋見過好多小朋友拍攝時都好努力咁做好自己，好聽攝影師既意見，我哋就建議喺以下呢幾方面幫小朋友準備一下，咁出嚟既效果就完美啦！
⠀⠀⠀⠀
1. 食得飽 瞓得夠
⠀⠀⠀⠀
家長應該選擇小朋友瞓得夠既時侯，例如您會知道小朋友平時朝早起身既時間，或瞓完晏覺既時間，咁就揀佢地瞓夠，有精神既時候影相喇，加埋食得夠飽，咁就狀態一流啦。
⠀⠀⠀⠀
2. 整齊既 髮型、服飾
⠀⠀⠀⠀
整齊係基本要求，唔好散亂，咁望落去已經覺得您有誠意同認真。
⠀⠀⠀⠀
髮型方面，最理想當然係修剪一下頭髮先，如果唔得既，女仔可以扎辮，男仔可以Gel 下頭髮。
⠀⠀⠀⠀
服飾呢，以簡單、端莊為主。女仔可以著沉實D既連身裙，男仔就可以著恤衫，外面再配一件背心。如果唔想太復雜，著番而家既校服都係一個好既選擇，顯得出您尊重學校嘛。件衫要燙一燙，唔好皺呀。
⠀⠀⠀⠀
做完呢一步，就可以變成Smart 啦！
⠀⠀⠀⠀
⠀⠀⠀⠀
3. 早D到，帶埋小玩具
⠀⠀⠀⠀
可以提早5-10分鐘帶小朋友到Studio，等小朋友適應環境，亦都可以執一執D服飾。帶埋小朋友鍾意既玩具同零食，就令佢地笑得更自然開心啦。
⠀⠀⠀⠀